窩打老道1A華德大,座落在油麻地果攔對面,相信無人有興趣知有乜特別,但如果我跟你講在1999年10月某天,在上址發現一副駭骨,應該是剩下一副白骨,到近年才知屬於一名年輕女子,而該女子又跟陳方安生之弟方曼生有關!那就完全不同!
我跟大多數朋友一樣,都是新聞報導才知道該白骨是一名叫彭楚盈的女子,因當年我採訪時,都是列作駭骨發現,無可疑,然後收隊,直至近年開死因庭聆訊,真相才大白(但其實邊有大白,是告一段落先!),我不會提及所周知的報導,我只會講當年採訪這新聞既難處,但這新聞當年見報,因為無料既關系,同郵票size差唔多!
1999年10月既某一日,我如往常開工,今日被安排到油,尖區擺位,到區後報機,繼續聽我部99機(我超低能,勁鍾意聽機),突然傳來警察電臺"電臺,commander乜乜sir到場!(我都唔記得佢貴姓)," 警察電臺回應"Roger", 我即時lick部機出黎,睇睇唔睇到臺碼,但跟住已再無對答.(如果一有野講,會停留在該組數字,我會知係邊區,最堅可以記得邊個行邊條beat ga) 好!由得佢,心諗,可能早更野,有同事做緊!Commander 到場係有的份量既case,但又未必全對,有時的'道友'打針OD,送院死亡,都要commander去check 有冇可疑,再聽再有乜野唱,如果大野,都唔會唱一次咁小,何況commander都已經到場,都唔使急啦!(因為次序係999電臺首先開call,p.c.到場,了解完,有可疑再通知上峰,commander先到場,即其實我聽到時,可能已遲了一小時!重分好多level,普遍係咁啦!)呢個鐘數,最好緊係"全線大飲茶"啦!
